చిలకలూరిపేట

Single Source of Truth

Chilakaluripet | Single Source of Truth

వన భారతి...జనహారతి

వ్యవసాయశాఖ మంత్రి శ్రీ ప్రత్తిపాటి పుల్లారావు గారి ఆధ్వర్యంలో చిలకలూరి పేట నియోజకవర్గంలో శనివారం నాడు ‘ఈనాడు’ ‘ఈటీవీ-ఆంధ్రప్రదేశ్’ చేపట్టిన ‘వన భారతి...జనహారతి’ స్పూర్తితో ఒకే రోజు 2.50 లక్షల మొక్కలు నాటి రాష్ట్రంలోనే చిలకలూరిపేట రికార్డు సాధించి ప్రథమ స్థానంలో నిలిచినందుకు నియోజకవర్గ ప్రజలకు, ఇందులో భాగస్వాములైన అందరికి మంత్రి పుల్లారావు గారు అభినందనలు తెలిపారు.

ITC in Spices Park

ITC is also planning to set up a world-class Spices R& D Centre in six acres at the Spices Park near Chilakaluripet for its blended products.

చిలకలూరిపేటలో రోజు మార్చి రోజు నీళ్లు

పట్టణంలో ఇప్పటికే రోజు మార్చి రోజు తాగునీరు ఇస్తున్నారు. ఇదే విధానం కొనసాగిస్తే మరో నెల రోజులు మాత్రమే నీరు సరఫరా చేయగలరు. 1.02 లక్షల జనాభా ఉన్న పట్టణంలో 14 వేల కుళాయిలున్నాయి. రోజుకు 45 ట్రిప్పుల నీరు ట్యాంకర్ల ద్వారా పంపుతున్నారు. దీంతో చిలకలూరిపేటకు తాగునీటి సమస్య చుట్టు ముట్టబోతుంది.

‘పోలీసు వెట్టిచాకిరీ’పై విచారణ

హోంగార్డులతో రంగారెడ్డి జిల్లాకు చెందిన ఓ పోలీస్‌ ఉన్నతాధికారి వెట్టిచాకిరీ చేయించడం పోలీసు వర్గాల్లో తీవ్ర చర్చనీయాంశమైంది. ప్రభుత్వ వర్గాలు, ఉన్నతాధికారులు ఈ విషయంపై ఆరా తీస్తున్నారు. దీనిపై సోమవారం పూర్తి వివరాలు సేకరించి నిర్ణయం తీసుకుంటామని ఇన్‌ఛార్జి డీజీపీ అంజనీకుమార్‌ తెలిపారు. ఆర్డర్లీ వ్యవస్థను అధికారికంగా రద్దు చేసినప్పటికీ కొందరు అధికారులు గుట్టు చప్పుడు కాకుండా హోంగార్డులతో ఇంటి పనులు చేయిస్తున్నట్లు సమాచారం.

వెట్టిచాకిరీ వార్త అవాస్తవం!
హోంగార్డులతో వెట్టిచాకిరీ వార్త అవాస్తవమని రంగారెడ్డి జిల్లా ఎస్పీ నవీన్‌కుమార్‌ అన్నారు. శనివారం ఆయన మాట్లాడుతూ.. విధి నిర్వహణ సక్రమంగా నిర్వహించమన్నందుకే తనపై కుట్ర చేశారని ఆరోపించారు. తాను సెలవులో ఉన్న సమయంలో క్యాంపు ఆఫీసులో ఆ దృశ్యాలు చిత్రీకరించారని తెలిపారు. దీని వెనుక అదనపు ఎస్పీ వెంకటస్వామి, సీసీ మహేశ్‌ల హస్తం ఉందని ఆరోపించారు. గతంలో తాను పశువైద్యాధికారిగా పనిచేశానని, పశువులు, పక్షులపై ప్రేమతో వాటిని ఇంట్లో పెంచుకుంటున్నానని తెలిపారు. చిత్రీకరణ ఘటనపై విచారణ ప్రారంభించామని త్వరలోనే నిరూపిస్తామని ఎస్పీ స్పష్టం చేశారు.

ఏసీబీకి దొరికిన అధికారులు ఎక్కువ కాలం ఇక్కడే పనిచేశారు

ఎక్కువ కాలం ఇక్కడే పోస్టింగ్
గతంలో గుంటూరులో ఆర్టీఓగా పని చేస్తూ ఏసీబీ అధికారులకు పట్టుబడిన బ్రహ్మానందరెడ్డి జిల్లాలో 5 ఏళ్లుకు పైగా పని చేశారు. నెల్లూరులో ఆర్టీఓగా పని చేసిన జనార్దనశెట్టి కూడా 7 ఏళ్లు సూపరింటెండెండ్, ఆర్టీఓ హోదాల్లో పని చేశారు. ఇటీవల కాకినాడ ఉపరవాణా కమిషనర్‌గా పనిచేస్తూ ఏసీబీ అధికారులకు పట్టుబడి మోహన్ 6 ఏళ్లు నెల్లూరులోనే డీటీసీగా పని చేశారు. గుంటూరులో ఎంవీఐగా పని చేస్తూ శుక్రవారం ఏసీబీ అధికారులుకు పట్టుబడిన సుధాకరరెడ్డి జిల్లాలో పదేళ్లు పాటు వివిధ ప్రాంతాల్లో పని చేశారు. జిల్లాలో ఎక్కువ కాలం పనిచేసిన వారిపై ఏసీబీ అధికారులు దృష్టి సారించడం గమనార్హం.

నెలకు రూ.20 లక్షలకు పైగా అనధికార ఆదాయం
ఓవర్ లోడ్లు, కార్యాలయంలో జరిగే లావాదేవీలు కలిపి నెలకు రూ.20 లక్షలకు పైగా అనధికార ఆదాయయం వస్తుందని ప్రచారం జరుగుతుంది. గ్రానైట్, సిలికా, ఇసుక, సున్నపురాయి, గ్రావెల్, బొగ్గు, ఇనుము తదితర సామగ్రి అధిక లోడుతోనే రావాణా అవుతాయని చెబుతున్నారు. వీటికి సంబంధించి ఒక్కో లారీకి రూ. 1000 నుంచి రూ.1200 ఒక్కో అధికారికి ఇచ్చుకోవాల్సి ఉంది. జిల్లాలో రవాణా కార్యాలయాల్లో జరిగే లెసైన్స్, ఎఫ్‌సీ, పర్మిట్, ట్రాన్స్‌ఫర్లు, రిజిస్ట్రేషన్లు తదితర వాటిల్లో జరిగే లావాదేవీలకు ప్రభుత్వ చలానా కంటే ఐదారు రెట్లు అధిక మొత్తంలో లంచంగా పుచ్చుకోవాల్సి వస్తుందంటున్నారు.


చెక్‌పోస్టులోనూ..  
ప్రతి వాహనం చెక్‌పోస్టు ద్వారానే రవాణా చేయాల్సి ఉంది. నిబంధనలకు విరుద్ధంగా తిరుగుతున్న వాహనాలతో పాటు అన్ని రికార్డులు సక్రమంగా ఉన్నా.. చెక్‌పోస్టులో ఎంట్రీ ఫీజు చెల్లించుకోవాల్సిందే. అదేమని అడిగితే రాష్ డ్రైవింగ్, హైట్‌లోడ్, సౌండ్ పొల్యూషన్ పేరుతో కేసులు రాస్తామని బెదిరిస్తుంటారని లారీ యజమానులే వాపోతున్నారు. ఈ రీతిలో రవాణాశాఖకు 24 గంటల్లో రూ. 1.50 లక్షలు అనధికార మామూళ్లు వస్తాయని పలువురు చెబుతున్నారు. చెక్‌పోస్టులో పోస్టింగ్ ఇప్పించుకునేందుకు పలువురు పోటీ పడుతుంటారు.

Sleuths of the Anti-Corruption Bureau (ACB) conducted raids on the properties of Motor Vehicle Inspector Y. Sudhakar Reddy and reportedly seized property worth Rs. 2 crore disproportionate to his known sources of income, on Friday. The ACB raids continued at a building owned by Mr. Reddy in Magunta Layout area and also in some other places.

Documents relating to 65 acres of land spread over nine places in Nellore, Prakasam and other districts were among the material seized, it is learnt. Besides this, the MVI was found to have acquired 20 plots, two apartment flats and 1 kg gold. The ACB sleuths also seized Rs. 1.75 cash from the MVI’s possession. Searches were continuing during night also.


ఏసీబీ వలలో గుంటూరు ఎంవీఐ

ఆదాయానికి మించి ఆస్తులు కలిగి ఉన్నారన్న ఆరోపణలపై ఏసీబీ అధికారులు నెల్లూరు మాగుంట లేఅవుట్‌లోని బాలాజి క్లాసిక్‌ అపార్టుమెంట్‌లో నివాసముంటున్న గుంటూరు మోటారు వెహికల్‌ ఇన్‌స్పెక్టర్‌ ఎన్‌.ఎమ్‌. సుధాకర్‌రెడ్డి ఇంట్లో సోదాలు నిర్వహించారు. ఈ సందర్భంగా రూ. 2 కోట్ల విలువైన ఆస్తులు గుర్తించినట్లు ఒంగోలు ఏసీబీ ఇన్‌స్పెక్టర్‌ ప్రతాప్‌ కుమార్‌ వెల్లడించారు. ప్రకాశం, గుంటూరు, నెల్లూరు జిల్లాల్లో సుధాకర్‌రెడ్డి బంధువులు, స్నేహితుల పేర్లతో 65 ఎకరాల భూమి, 20 ఇళ్ల స్థలాలు, అపార్ట్‌మెంట్‌లో రెండు ఫ్లాట్లు ఉన్నట్లు గుర్తించారు.

‘రవాణా’లో తిమింగలం : ఎంవీఐ సుధాకరరెడ్డి ప్లాట్‌ సీజ్‌

రూ.20 కోట్లకు పైగా ఆస్తుల గుర్తింపు

జిల్లాలోని పలు ప్రాంతాల్లో 90 ఎకరాలకుపైగా భూములు..
22 చోట్ల ఇళ్ల స్థలాలు..
విలాసవంతమైన ప్లాట్లు..
బినామీల పేరుతో ఆస్తులు..
బ్యాంకుల్లో నగదు..
బంగారు ఆభరణాలు..

ఆదాయానికి మించి ఆస్తులు కలిగి ఉన్నారన్న ఆరోపణల నేపథ్యంలో గుంటూరు ఉపరవాణా శాఖ కార్యాలయంలో మోటార్‌ వెహికల్‌ ఇన్‌స్పెక్టర్‌ సుధాకరరెడ్డి ఆస్తులపై అవినీతి నిరోధక శాఖ అధికారులు శుక్రవారం దాడులు నిర్వహించడం రవాణాశాఖలో కలకలం రేగింది. సుధాకరరెడ్డి 1995లో రవాణా శాఖలో చేరారు. ఆయన నరసరావుపేటలో అసిస్టెంట్‌ మోటార్‌ వెహికల్‌ ఇన్‌స్పెక్టర్‌గా, తెనాలి, నెల్లూరు జిల్లాలోని వివిధ ప్రాంతాల్లో మోటార్‌ వెహికల్‌ ఇన్‌స్పెక్టర్‌గా విధులు నిర్వహించారు. గతేడాది ఆగస్టులో ఆయన బదిలీపై గుంటూరు రవాణాశాఖకు వచ్చారు. ఎంవీఐగా అప్పటి నుంచి ఆయన ఇక్కడే బాధ్యతలు నిర్వహిస్తున్నారు. జేకేసీ కళాశాల రోడ్డులోని ఎంపీ రెసిడెన్సీలో నివాసం ఉంటున్నారు. ఒంగోలు జిల్లా సుధాకరరెడ్డి జన్మస్థలం.

ఆయన ఆదాయానికి మించి ఆస్తులు కలిగి ఉన్నారని ఏసీబీ పోలీసులకు ఫిర్యాదులు వెళ్లడంతో గుంటూరు, నెల్లూరు, ప్రకాశం జిల్లాల్లో ఏకకాలంలో దాడులు నిర్వహించారు. ఆగస్ట్‌లో ఆయన కుమార్తె వివాహం ఉండటంతో ఈనెల 1 నుంచి సెలవు పెట్టి నెల్లూరుకు, ఇక్కడకు ప్రయాణం చేస్తున్నారు. ఆరో తేది వరకు సెలవులో ఉండటంతో గుంటూరులోని అపార్ట్‌మెంట్‌లో ఎవ్వరూ లేకపోవడంతో ఏసీబీ డీఎస్పీ దేవానంద్‌ శాంతన్‌ ఆధ్వర్యంలో పోలీసులు జేకేసీ నగర్‌లోని అపార్ట్‌మెంట్‌ వద్దకు చేరుకుని ఆయన నివాసం ఉంటున్న 201 ప్లాట్‌ను సీజ్‌ చేశారు.

ఎంవీఐ సుధాకరరెడ్డి ఆస్తులపై ఏసీబీ అధికారులు దాడులు నిర్వహిస్తున్నారని సమాచారం అందగానే ఆ శాఖ ఉద్యోగుల్లో కలకలం రేగింది. కార్యాలయంపై ఏసీబీ అధికారులు దాడులు నిర్వహిస్తారోనని ఆందోళన చెందారు.

కార్యాలయం ఎదురుగా ఉన్న ఏజెంట్ల దుకాణాలన్నీ మూతపడ్డాయి. ఏజెంట్లను ఎవ్వరినీ కార్యాలయం పరిసరాల్లోకి అడుగు పెట్టనివ్వకుండా కట్టుదిట్టమైన చర్యలు తీసుకున్నారు. మామూలు రోజుల్లో, గుంటూరు ఉపరవాణా శాఖ కమిషనర్‌ రాజారత్నం సెలవులో ఉన్న సమయంలో, ఆయన క్యాంప్‌పై వేరే ప్రాంతానికి వెళ్లినా ఏజెంట్ల దుకాణాలు తెరుచుకుంటాయి. దుకాణాల ముందు దళారులు కోలాహలంగా ఉంటుంది. ఏజెంట్లు, దళారులు ఎవరికి వారు నేరుగా కార్యాలయంలో వెళ్లి పనులను చక్కబెట్టుకుని వస్తుంటారు. ఏసీబీ దాడులకు శుక్రవారం ఎక్కడివారు అక్కడ తమ కార్యకలాపాలకు స్వస్తి పలికి మిన్నకుండిపోయారు.

పాత మార్కెట్‌ యార్డు షాపింగ్‌ కాంప్లెక్స్‌

  1. చిలకలూరిపేట పాత మార్కెట్‌ యార్డు ముందు భాగంలో రూ.71 లక్షలతో ఏర్పాటు చేయనున్న షాపింగ్‌ కాంప్లెక్స్‌ నిర్మాణ పూజా కార్యక్రమంలో మంత్రి ప్రత్తిపాటి పుల్లారావు పాల్గొని శిలాఫలకం ఆవిష్కరించారు.
  2. చిలకలూరిపేటలో రూ.31 లక్షతో భూసార పరీక్ష కేంద్రాన్ని ఏర్పాటు చేసినట్లు పేర్కొన్నారు.
  3. చిలకలూరిపేట మార్కెట్‌ యార్డు నిధులు రూ.24 లక్షలతో పండ్లు మాగబెట్టే గది నిర్మాణం,
  4. రూ.39లక్షలతో రైతు బజారు ఆధునికీకరణ పూర్తి చేశామన్నారు.
  5. రూ.89 లక్షలతో నూతన గోదాము
  6. రూ.4 కోట్లతో శీతల గిడ్డంగి, రూ.41 లక్షలతో గోదాముల మరమ్మతులు
  7. రూ.15లక్షలతో రైతు భవన మరమ్మతులు, రూ.2 కోట్లతో లింకురోడ్ల నిర్మాణం,
  8. రూ.11.5లక్షలతో ప్రవేశద్వారం నిర్మాణ పనులు చేపట్టబోతున్నట్లు వివరించారు.

పేట వాసులకు అమృత ధార

కేంద్ర ప్రభుత్వం ప్రవేశపెట్టిన అమృత్‌ పథకంలో పేట వాసుల దాహార్తి తీర్చేందుకు రూ.120 కోట్లు కేటాయించారు. రాష్ట్రంలోనే తొలిసారిగా చిలకలూరిపేట పురపాలక సంఘం ఈ పథకంలో నిధులను దక్కించుకుంది.

ఈ నిధులతో నకరికల్లు మండల పరిధిలోని గుంటూరు బ్రాంచ్‌ కెనాల్‌ నుంచి చిలకలూరిపేట తాగునీటి చెరువు వరకు 39 కి.మీ. మేర పైపులైన్‌ ఏర్పాటు చేయనున్నారు. 

పట్టణంలోని తూర్పుమాలపల్లి వద్ద ఓవర్‌హెడ్‌ ట్యాంక్‌, పేదలకు గృహాలు మంజూరు చేసిన 52 ఎకరాలలో మరో ఓవర్‌హెడ్‌ ట్యాంక్‌, నూతనంగా చెరువు ప్రాంతంలో ఫిల్టర్‌బెడ్‌, ప్రస్తుతం పండరీపురంలోని ఉన్న ఫిల్టర్‌బెడ్‌ ఆధునికీకరణ, పురపాలకసంఘ పరిధిలో శివారు ప్రాంతాలతో కలుపుకుని మొత్తం 70 కి.మీ. మేర అంతర్గత పైపులైన్‌ ఏర్పాటు చేయనున్నారు.

అందరూ ఆరోగ్యంగా ఉండేందుకే వైద్య శిబిరాలు

చిలకలూరిపేట స్వర్ణాంధ్ర ఫౌండేషన్‌ ఆధ్వర్యంలో మణిపాల్‌ ఆసుపత్రి సౌజన్యంతో ప్రత్తిపాటి గార్డెన్స్‌లో ఆదివారం 23వ ఉచిత మెకాళ్ల, కీళ్ల నొప్పుల వైద్య శిబిరం నిర్వహించారు.

ఈ నెల 23న చిలకలూరిపేటలో మెగా జాబ్‌మేళా నిర్వహిస్తామన్నారు. 70 కంపెనీల ప్రతినిధులు హాజరవుతారని ప్రత్తిపాటి వివరించారు. నిరుద్యోగ యువతీయువకులు ఈ జాబ్‌మేళాను సద్వినియోగం చేసుకోవాలని సూచించారు.

స్వర్ణాంధ్ర ఫౌండేషన్‌ కార్యదర్శి పేర్ని వీరనారాయణ అధ్యక్షత వహించిన కార్యక్రమంలో కాపు కార్పొరేషన్‌ ఛైర్మన్‌ చలంశెట్టి రామానుజయ, పురపాలకసంఘ ఛైర్‌పర్సన్‌ గంజి చెంచుకుమారి, భాష్యం రామకృష్ణ, కంచర్ల శ్రీనివాసరావు, లక్ష్మీ నర్సింగ్‌ స్కూల్‌ డైరెక్టర్‌ వడ్లమూడి రవీంద్ర, ఎస్పీ నారాయణ నాయక్‌, మణిపాల్‌ ఆసుపత్రి వైద్యులు జగదీశ్‌, సురేశ్‌ తదితరులు ప్రసంగించారు.

2,500 మందికి వైద్య పరీక్షలు
స్వర్ణాంధ్ర ఫౌండేషన్‌ ఆధ్వర్యంలో జరిగిన మెగా మోకాళ్ల, కీళ్ల నొప్పుల వైద్య శిబిరంలో 2,500 మంది వైద్య పరీక్షలు చేయించుకున్నారని ఫౌండేషన్‌ కార్యదర్శి పేర్ని వీరనారాయణ తెలిపారు. వీరిలో 630 మందిని ప్రాథమిక చికిత్స కోసం ఎంపిక చేశామన్నారు. అవసరమైనవారికి సీఎం రిలీఫ్‌ఫండ్‌ ద్వారా శస్త్రచికిత్సలు చేయిస్తామన్నారు.

చిలకలూరిపేట బైపాస్‌కు రూ.600 కోట్లు

  1. గణపవరం - మురికిపూడి వరకు 16.48 కి.మీ. నిర్మాణం (యడ్లపాడు మండలం తిమ్మాపురం నుంచి చిలకలూరిపేట మండలం కోనాయకుంట వరకు)
  2. వంతెనలు - మూడు ప్లైఓవర్లు, ఐదు చోట్ల అండర్‌పాస్‌లు
  3. 340 ఎకరాల భూసేకరణకు త్వరలో నోటిఫికేషన్
  4. వ్యయం - రూ.600 కోట్లు
  5. అధికారులతో చర్చించిన ఆర్‌అండ్‌బీ ప్రిన్సిపల్ సెక్రటరీ

రాష్ట్ర ప్రభుత్వం 25 శాతం నిధులు వెచ్చింపు
దేశంలో మొదటిసారి రాష్ట్ర ప్రభుత్వం 25 శాతం నిధులను రహదారి ఏర్పాటునకు అవసరమైన భూమి కొనుగోలుకు ఒప్పుకుంది. భూ సేకరణ విషయమై వచ్చే నెలలో ప్రకటన వెలువడే అవకాశం ఉంది. రైతుల నుంచి సేకరించే భూమికి పరిహారం మార్కెట్‌ ధర కంటే ఎక్కువగానే ఇచ్చే అవకాశం ఉన్నందున అభ్యంతరాలు ఉండకపోవచ్చని అధికారులు చెబుతున్నారు. రెండున్నర సంవత్సరాల వ్యవధిలో తిమ్మాపురం వద్ద నుంచి బొప్పూడి కోనాయికుంట వరకు ఉన్న 16.48 కి.మీ దూరం బైపాస్‌ రహదారి నిర్మాణం పూర్తవుతుందని జాతీయ రహదారుల నియంత్రణ సంస్థ అధికారులు వివరించారు. ఆ మేరకు కేంద్ర ప్రభుత్వం రహదారి నిర్మాణానికి రూ.600 కోట్ల నిధులు విడుదల చేసింది.


ఏళ్లుగా నలుగుతున్న చిలకలూరిపేట బైపాస్‌ నిర్మాణానికి మార్గం సుగమమైంది. రహదారి నిర్మాణానికి రూ.600 కోట్ల నిధులు ప్రభుత్వం మంజూరు చేసింది. యడ్లపాడు మండలం తిమ్మాపురం నుంచి చిలకలూరిపేట మండల బొప్పూడి కోనాయికుంట వరకు మొత్తం 16.48 కి.మీ మేర బైపాస్‌ నిర్మాణం చేపట్టనున్నారు. మూడు ఫ్లైఓవర్లు, 5 అండర్‌పాస్‌ వంతెనలుంటాయి. వీటితో పాటు గణపవరం వద్ద కుప్పగంజివాగుపై, పురుషోత్తమపట్నం సమీపంలో ఓగేరువాగుపై వంతెనలు కూడా ఏర్పాటు చేయనున్నారు.

గత ఫిబ్రవరిలో చిలకలూరిపేటకు కేంద్ర ప్రభుత్వం బైపాస్‌ వేసేందుకు నిర్ణయం తీసుకున్న విషయం తెలిసిందే. దేశంలో మొదటిసారి రాష్ట్ర ప్రభుత్వం 25 శాతం నిధులు బైపాస్‌ రహదారికి సంబంధించి భూమి కొనుగోలుకు అప్పట్లోనే ఒప్పందం జరిగింది. దీంతో కేంద్రం కూడా సానుకూలంగా స్పందించి రూ.600 కోట్లు బైపాస్‌ ఏర్పాటుకు నిధులు మంజూరు చేసింది. రైతులకు కూడా కొత్త భూసేకరణ చట్ట ప్రకారం పరిహారం అందించనున్నట్లు అధికారులు తెలిపారు. ఆ మేరకు బుధవారం గుంటూరులో ప్రభుత్వ ప్రత్యేక ముఖ్య కార్యదర్శి శ్యాంబాబు అధ్యక్షతన సమావేశం జరిగినట్లు చిలకలూరిపేట తహశీల్దార్‌ పీసీహెచ్‌ వెంకయ్య తెలిపారు. గుంటూరులో జరిగిన సమావేశంలో జిల్లా పాలనాధికారి కాంతిలాల్‌దండే, నరసరావుపేట ఆర్డీవో జి.రవీందర్‌, జాతీయ రహదారుల అభివృద్ధి సంస్థ అధికారులు పాల్గొన్నారు.

లంచం తీసుకుంటూ పట్టుబడ్డ వీఆర్వో

మాజీ సైనికోద్యోగి నుంచి లంచం తీసుకుంటూ వీఆర్వో ఒకరు ఏసీబీ అధికారులకు పట్టుబడ్డారు. ఈ ఘటన విజయనగరం జిల్లా గరివిడిలో సోమవారం చోటుచేసుకుంది. మండలంలోని ఏనుగువలస గ్రామానికి చెందిన వర్మ అనే మాజీ సైనికోద్యోగి తన భూమిని ఆన్‌లైన్‌లో నమోదు చేయటానికి వీఆర్వో వెంకటస్వామి చుట్టూ గత కొద్దిరోజులుగా తిరుగుతున్నారు.

వీఆర్వో మాత్రం రూ.5 వేలు ఇస్తేనే పని పూర్తి చేస్తానని పట్టుబట్టాడు. దీంతో వర్మ ఏసీబీ అధికారులకు ఉప్పందించారు. వారి సూచనల మేరకు సోమవారం తహశీల్దార్ కార్యాలయంలో వీఆర్వోకు లంచం డబ్బు అందజేస్తుండగా అక్కడే ఉన్న ఏసీబీ అధికారులు పట్టుకున్నారు. వీఆర్వోను అదుపులోకి తీసుకుని విచారిస్తున్నారు.

సేవా కార్యక్రమాలను విస్తృతపర్చాలి

సేవా కార్యక్రమాలను మరింత విస్తృతం చేయాలని వ్యవసాయ శాఖా మంత్రి ప్రత్తిపాటి పుల్లారావు పిలుపునిచ్చారు. బృందావన్‌ గార్డెన్స్‌లోని కమ్మజన సేవా సమితి సర్వసభ్య సమావేశం ఆదివారం జరిగింది. సేవా సమితి నూతన కార్యవర్గాన్ని ఏకగ్రీవంగా ఎన్నుకున్నారు. నూతన కార్యవర్గాన్ని మంత్రి పుల్లారావు ప్రకటించారు. సమితి అధ్యక్షుడిగా వంకాయలపాటి బలరామకృష్ణయ్య, కార్యదర్శిగా సామినేని కోటేశ్వరరావు, ఉపాధ్యక్షులుగా గోరంట్ల పున్నయ్య చౌదరి, పావులూరి కృష్ణకుమార్‌, కన్నెగంటి బుచ్చయ్యచౌదరి, సంయుక్త కార్యదర్శులుగా కావూరి రవించంద్ర, రాయని రమణ, కోశాధికారిగా వడ్లమూడి నాగేంద్రం, కో ఆష్షన్‌ సభ్యులుగా వడ్లమూడి శివరామకృష్ణయ్య, మర్రిపూడి సీతారామయ్య, మల్లెల హరీంద్రనాథ్‌ చౌదరి, గుంటుపల్లి కోటేశ్వరరావు, ప్రత్యేక ఆహ్వానితులుగా మరో ఏడుగురు ఎన్నికయ్యారు. ఈ సందర్భంగా మంత్రి పుల్లారావు మాట్లాడుతూ నూతన కార్యవర్గ సభ్యులు సేవా కార్యక్రమాలను విస్తృతం చేస్తూ కమ్మజన సేవా సమితి పేరు, ప్రతిష్ఠలను మరింతగా ఇనుమడింపజేయాలన్నారు. ఆర్థిక స్థోమత కారణంగా పేద విద్యార్థినుల చదువులు మధ్యలో నిలిచిపోరాదనే ఉద్దేశంతో వసతి గృహాన్ని నడుపుతున్న సభ్యులను అభినందించారు. రాష్ట్ర తెదేపా కార్యదర్శి మన్నవ సుబ్బారావు అధ్యక్షత వహించిన ఈ కార్యక్రమంలో పెదకూరపాడు ఎమ్మెల్యే కొమ్మాలపాటి శ్రీధర్‌, మాజీ ఎంపీ వై.వి.రావు, పారిశ్రామికవేత్త చేబ్రోలు నరేంద్రనాథ్‌, మాజీ ఎంపీ డాక్టర్‌ యలమంచలి శివాజీ, మాజీ ఎమ్మెల్సీ డాక్టర్‌ రాయపాటి శ్రీనివాస్‌, నాయకులు ఎన్‌.వి.వి.ఎ.వరప్రసాద్‌, వాసిరెడ్డి జయరామయ్య, చేబ్రోలు శ్రీనివాసరావు తదితరులు పాల్గొన్నారు.

విజిలెన్స్‌ అదనపు ఎస్పీగా శోభామంజరి

గుంటూరు విజిలెన్స్‌ అండ్‌ ఎన్‌ఫోర్సుమెంట్‌ అదనపు ఎస్పీగా శోభామంజరి శనివారం బాధ్యతలు స్వీకరించారు. ఇప్పటి వరకు ఇక్కడ పనిచేసిన ఎస్పీ కేవీ మోహన్‌రావు సీఐడీకి బదిలీ అయ్యారు. 1989 బ్యాచ్‌కు చెందిన శోభామంజరి విజయవాడ, ఏలూరు, పశ్చిమగోదావరిలో పనిచేశారు. 2006లో సీఐగా, 2014లో డీఎస్పీగా ఉద్యోగోన్నతి పొందారు. 2015లో అదనపు ఎస్పీగా ఉద్యోగోన్నతి కల్పించి గ్రామీణ నేర విభాగ ఏఎస్పీగా నియమించారు. ఇటీవల ఆమెను గుంటూరు విజిలెన్స్‌ అదనపు ఎస్పీగా నియమించారు. శనివారం గుంటూరులోని విజిలెన్స్‌ కార్యాలయానికి విచ్చేసిన ఆమెకు విజిలెన్స్‌ డీఎస్సీ రమణకుమార్‌, డీఈ కళ్యాణచక్రవర్తి, సూపరింటెండెంట్‌ గోపాల్‌, సీఐలు వంశీధర్‌, కిషోర్‌కుమార్‌, సిబ్బంది పుష్పగుచ్ఛం అందించి స్వాగతం పలికారు. విజిలెన్స్‌ ఏఎస్పీ బాధ్యతలు స్వీకరించిన సందర్భంగా శుభాకాంక్షలు తెలిపారు. ఈ సందర్భంగా ఏఎస్పీ శోభామంజరి మాట్లాడుతూ ఎలాంటి అక్రమాలైనా దృష్టికి వస్తే నిర్భయంగా తమ సెల్‌ నెంబర్‌ 80082 03288 కు ఫోన్‌ చేసి సమాచారం అందివ్వవచ్చన్నారు.

అవినీతి రొచ్చులో మరో సీఐ

రూ.20 కోట్లకు పైగా ఆస్తులు 
జోరుగా రియల్‌ ఎస్టేట్‌ వ్యాపారం? 
ఇంటి ముందూ పోలీసుమార్కు ఆక్రమణలు

రియల్ ఎస్టేట్.. లిక్కర్ లాబీలతో నగర పోలీసుల అనుబంధం, భాగస్వామ్యం తాజా ఏసీబీ దాడులతో బట్టబయలైంది. రౌడీషీటర్ల పీచమణచాల్సిన పోలీసు అధికారులు.. ఏకంగా వారినే తమ బినామీలుగా పెట్టుకొని అడ్డగోలు వ్యాపారాలు.. దందాలతో కోట్లకు పడగలెత్తుతున్న తీరు విస్మయం కలిగిస్తోంది. వారికి ప్రభుత్వం ఇచ్చే వేతనాలు.. వారి ఆస్తులకు పొంతనే లేకపోయినా పోలీస్ బాస్‌లు చూసీచూడనట్లు పోతుండటంతో అక్రమ దందాలు అడ్డూఅదుపూ లేకుండా సాగిపోతున్నాయి.  తాజాగా నాలుగోపట్టణ సీఐ బాలకృష్ణపై ఏసీబీ జరిపిన దాడులు ఆయనకు రౌడీషీటర్లతో ఉన్న ‘రియల్’ బంధాన్ని వెలుగులోకి తెచ్చాయి.

నగర కమిషనరేట్‌ పరిధిలోని నాలుగో పట్టణ పోలీసుస్టేషన్లో విధులు నిర్వర్తిస్తున్న సి.ఐ. కె.వి.బాలకృష్ణ ఆదాయానికి మించి ఆస్తుల కేసులో పట్టుబడడం పోలీసులను విస్మయానికి గురిచేసింది. మూడో పట్టణ క్రైం సీఐ కె.ఎస్‌.ఎన్‌.కొండ పట్టుబడిన ఉదంతాన్ని నగరవాసులు ఇంకా మరువక ముందే మరో సి.ఐ. పట్టుబడడంతో నగర పోలీసుల అవినీతి గుట్టురట్టవుతోంది. హెడ్‌ కానిస్టేబుల్‌ కుమారుడిగా పోలీసు శాఖలో ప్రవేశించిన సీఐ బాలకృష్ణ చివరకు అవినీతి ఆరోపణలతో జైలు పాలవ్వాల్సిన దుస్థితి తలెత్తింది. ఆయన వ్యవహారశైలిని చూసిన అనిశా అధికారులు నివ్వెరపోతున్నారు.

నగర కమిషనరేట్‌లోని నాలుగో పట్టణ సి.ఐ. బాలకృష్ణ అనిశా దాడుల్లో భారీఎత్తున అక్రమ ఆదాయంతో దొరికిపోవడం నివ్వెరపరుస్తోంది. ఒకింత సౌమ్యుడిగా పేరున్న ఆయన ఇంత సంపాదించారా? అని పలువురు ముక్కున వేలేసుకుంటున్నారు. ఆయన వ్యవహార శైలి తాజాగా వెలుగులోకి వచ్చి కలకలం సృష్టిస్తోంది. పి.ఎం.పాలెం ట్రాఫిక్‌ పోలీసుస్టేషన్‌ వెనక సందులో మూడంతస్తుల భవనం, దానికి అత్యంత సమీపంలోనే మరో మూడంతస్తుల వాణిజ్య సముదాయం ఉండడం గమనార్హం. ఆయన అత్త పేరు మీద కూడా రూ.40లక్షల విలువైన ఆస్తులుండడం విశేషం. ఆమె గృహిణి కావడంతో ఆ ఇంటిని బాలకృష్ణే కొనుగోలు చేసి ఆమె పేరుపై పెట్టినట్లు భావిస్తున్నారు. నరవలో మూడు స్థలాలు, తాళ్లవలసలో స్థలం, విజయనగరంలో ఇల్లు, దుగ్గివలసలో తొమ్మిది ఎకరాల భూమి, 25 తులాల బంగారం, మూడు కేజీల వెండి తదితరాలన్నింటి పుస్తక విలువ రూ.1.5 కోట్లుగా అంచనా వేస్తున్నారు. అయితే వాటి మార్కెట్‌ విలువ మాత్రం సుమారు రూ.20 కోట్ల వరకు ఉంటుందని అంచనా. ఆయన మామ రమణ వాణిజ్య పన్నుల శాఖలో అటెండర్‌గా విధులు నిర్వర్తించి ఉద్యోగ విరమణ చేశారు. 

తండ్రి అప్పలరాము పోలీసు శాఖలోనే హెడ్‌కానిస్టేబుల్‌గా చిరుద్యోగాలు చేసిన నేపథ్యంలో అధికారికంగా ఆ స్థాయిలో ఆస్తులు సమకూర్చుకోవడం ఎట్టి పరిస్థితుల్లో సాధ్యం కాదని పోలీసులు తేల్చిచెబుతున్నారు. విజయనగరంలో బాలకృష్ణ తండ్రి ఇంటిని ఇటీవలి సంవత్సరాల్లోనే కూల్చివేసి దానిస్థానంలో వాణిజ్య సముదాయం కట్టినట్లు కూడా అనిశా అధికారుల పరిశీలనలో తేలింది. పి.ఎం.పాలెంలోని ఇంటి ముందు ప్రభుత్వ స్థలంలో బాలకృష్ణ రెండు రేకుల షెడ్లు నిర్మించారు. ఒక షెడ్డులో భారీగా కలప, దుంగలు దొరకడం గమనార్హం.

యోగ విజ్ఞానానికి విశ్వవ్యాప్త గుర్తింపు

భారతీయ యోగ విజ్ఞానానికి విశ్వవ్యాప్త గుర్తింపు తెచ్చిన ఘనత ప్రధాని నరేంద్రమోదీదే అని ఏపీ మంత్రి ప్రత్తిపాటి పుల్లారావు అన్నారు. అంతర్జాతీయ యోగా దినోత్సవం సందర్భంగా గుంటూరులోని రెవెన్యూ కల్యాణ మండపంలో జరిగిన యోగా వేడుకల్లో మంత్రి పాల్గొన్నారు. ఈ సందర్భంగా ఆయన మాట్లాడుతూ... సీఎం చంద్రఆబు కూడా రాష్ట్రంలో యోగాకు ప్రాచుర్యం కల్పించేందుకు గ్రామ గ్రామాన యోగా దినోత్సవం నిర్వహించాలని సూచనలిచ్చారని తెలిపారు.

పనితీరు భేష్‌ - రేటింగ్‌లో చిలకలూరిపేటకు ప్రథమస్థానం

చిలకలూరిపేట పురపాలక సంఘం. ప్రభుత్వ పథకాల అమలుతోపాటు సాంకేతికను అందిపుచ్చుకుంటూ పట్టణ ప్రజలకు మెరుగైన సేవలను అందిస్తూ పనితీరు ఆధారంగా ప్రభుత్వం ఇచ్చిన రేటింగ్‌లో ప్రథమస్థానంలో నిలిచింది.

గత ఆర్థిక సంవత్సరంలో మెప్మా విభాగంలో 350 మహిళా గ్రూపులకు రూ.5 కోట్ల రుణాలు ఇవ్వాలని లక్ష్యంగా పెట్టుకోగా 358కి రూ.9.26 కోట్ల బ్యాంకు లింకేజి రుణాలను అందజేశారు. ప్రస్తుత ఏడాది మూడు నెలల్లోనే రూ.2.60 కోట్లను అందజేశారు. మరో రూ.కోటి అందించేందుకు ప్రణాళికను రూపొందించారు. ఏటా 25 గ్రూపులను ఏర్పాటు చేయాల్సివుండగా 35 ఏర్పాటు చేస్తున్నారు.

నిత్యం 62 మెట్రిక్‌ టన్నుల వ్యర్థాలను 10 ట్రాక్టర్ల ద్వారా తరలిస్తున్నారు.


NTR canteen at Velagapudi by month-end

The State government is planning to launch NTR canteens on pilot basis at Velagapudi where the interim Secretariat complex is coming up, by month-end. The government has also chalked out plans to open the NTR canteens at two more places next month.

A cabinet sub-committee comprising Municipal Administration Minister P. Narayana, Civil Supplies Minister Paritala Sunitha and Agriculture Minister Prathipati Pulla Rao as members was constituted to examine the programme in the neighbouring state, Tamil Nadu.

The sub committee visited the Amma Canteen in Tamil Nadu. Similar canteens are being run in neighbouring Telangana State also. The issue of NTR canteens figured at Mahanadu, a TDP conclave, was organised in Tirupati recently.

ఏసీబీ వలలో రెవెన్యూ ఇన్‌స్పెక్టర్

లంచం తీసుకుంటూ ఏసీబీ వలలో చిక్కాడు ఓ రెవెన్యూ ఇన్‌స్పెక్టర్. కృష్ణా జిల్లా మచిలీపట్టణంలో బుధవారం సాయంత్రం ఈ ఘటన చోటుచేసుకుంది. పట్టణ కౌన్సిలర్ వెంకట నాంచారయ్యకు స్థానికంగా పెట్రోల్ బంకు ఉంది. బంక్ స్థలం డాక్యుమెంట్లను తన కుమారుడి పేరిట రిజిస్టర్ చేయాలంటూ ఆయన గత పదిరోజులుగా రెవెన్యూఇన్‌స్పెక్టర్ చుట్టూ తిరుగుతున్నారు. ఆర్‌ఐ శ్రీనివాసరావు మాత్రం రూ.10 వేలు ఇవ్వందే పని కాదని తేల్చిచెప్పాడు. దీంతో బాధితుడు ఏసీబీ అధికారులకు ఉప్పందించాడు. వారి సూచనల మేరకు బుధవారం సాయంత్రం ఆర్‌ఐ కార్యాలయంలో డబ్బు అందజేస్తుండగా ఏసీబీ అధికారులు పట్టుకున్నారు.

చిలకలూరిపేట నియోజకవర్గ సమీక్ష సమావేశం నిర్వహించిన మంత్రి పుల్లారావు గారు

రానున్న మూడేళ్లల్లో నియోజకవర్గ అభివృద్ధికి మరింత ప్రణాళికతో కృషి చేయనున్నట్లు మంత్రి పుల్లారావు గారు చెప్పారు. ఎప్పటికప్పుడు అధికారులతో సమీక్షించి పురోగతిపై నివేదిక తెలుసుకుంటున్నానన్నారు. 2018 నాటికి నూరుశాతం సీసీరోడ్లు, పట్టణంలో రూ.250కోట్లతో తాగునీటి వ్యవస్థ, 54 పంచాయతీ గ్రామాలకు తాగునీటి సౌకర్యం, ఇంకుడు గుంతలు, సేద్యపు నీటిగుంటలు, మరుగుదొడ్లు నూరుశాతం లక్ష్యం సాధించేలా అన్ని చర్యలు తీసుకుంటున్నట్లు తెలిపారు.

22న రైతులకు రుణమాఫీ ధ్రువపత్రాల అందజేత

ఈనెల 22న ఒంగోలులో జరిగే కార్యక్రమంలో సీఎం చంద్రబాబు చేతుల మీదుగా రెండోవిడత రుణమాఫీ రూ.3,200కోట్ల నిధులకు సంబంధించి ధ్రువపత్రాలు రైతులకు అందిస్తామని మంత్రి ప్రత్తిపాటి పుల్లారావు చెప్పారు. అదేరోజు నుంచి వాటిని బ్యాంకులో ఇచ్చిన రైతులకు రుణమాఫీ నగదు జమ అవుతుందన్నారు. చిలకలూరిపేట మండలం గొట్టిపాడులో ఏర్పాటు చేస్తున్న సీసీరోడ్లు, డ్రెయిన్‌ల నిర్మాణానికి సంబంధించిన శిలాఫలకాన్ని బుధవారం మంత్రి ఆవిష్కరించారు. అనంతరం మాట్లాడుతూ కొండవీడును పర్యాటక కేంద్రంగా తీర్చిదిద్దడానికి అన్ని ఏర్పాట్లు చేస్తున్నామన్నారు. ఘాట్‌రోడ్‌ల నిర్మాణం పూర్తయిన వెంటనే సీఎం చంద్రబాబునాయుడు సందర్శిస్తారన్నారు. జిల్లా వ్యాప్తంగా ఎత్తిపోతల పథకాల పునర్నిర్మాణం, మరమ్మతులకు కోట్ల రూపాయల నిధులు విడుదల చేయించామన్నారు. ఈ సందర్భంగా ప్రతిపక్ష నేత జగన్‌ తీరును విమర్శించారు.